傑出華人系列外傳

當初決定寫傑出華人系列, 宗旨是想作一個平台, 介紹自己身邊的朋友。搭單練習寫字。
其實我以為主角/讀者最多得啖笑咋。雖然我唔知真係有幾多讀者 (esp 我不認識的)。

想不到, 有人告訴我, 他工作上剛認識了一個人, 那人後來告訴他:「其實我知你是la的朋友, 同埋我知你鐘意咩咩咩....」
(為保護兩位當事人, 不透露名字)
嘩!!!!! 真係爆!

我有以下推測:-
1. 來自各方的人都有看我的網誌, 包括xanga & 這兒
2. 雖然我筆下(鍵盤下?)的, 都是無聊事, 但係大家都真係記得喎
3. 世界真係好細, 尤其是香港呢粒豆咁大的地方, 講野小心d

其實, 傑出華人系列的人物, 都是經本人嚴選過的; 每篇都會寫下那人有什麼特別之處, 看似好笑(騎呢?), 我不過是想幽默地歌頌下佢地, 希望無傷大雅。 其實那些傑出華人, 個個都真係平凡得來很傑出呀。(我想講咩?)

如果他朝一日, 港台再開拍傑出華人系列, 照住拍, 那些傑出華人紅左唔好唔識我呀下。

希望大家都喜歡, 不妨留個言。誠心所願。

可愛的小白兔

ZaZa是我認識的朋友中，最可愛的一個。
她笑容可掬、待人有禮、整齊清潔、討人喜愛，具有鄰家女孩的性格，簡直好似一隻小白兔咁。

ZaZa樣子永遠像中學生。認識她的時候，大家都覺得她樣子似中四生，相信暑假行經旺角，Zaza 是會被金毛少年問佢買唔買教科書。今天Zaza 大個女了，是Assistant Manager 了(我們當中，最高級係佢la，勁)，打扮漸趨成熟，會化妝、著高跟鞋。但我每次見到，我心中仍響起黎姿唱的「穿起媽媽的高蹭皮鞋，就似魔法剎那我已長大~」

ZaZa 不單止樣子可愛，言行都好可愛嫁:

1. ZaZa 最近學人玩塔羅牌，有次出來飲野，她一時技癢拿出塔羅為我們占個掛。其間有人態度不認真，ZaZa拋下一句﹕「塔羅牌會嬲嫁!!」，仲要嘟嘴喎，好cute 啊…

2. ZaZa 好抵諗。據聞Year 3 她和幾個莊員一同做project，其他人要麼忙搵工，要麼就懶懶閒，唯有ZaZa一個努力做做做。其他人終於良心發現，終於肯幫手，ZaZa憂憂地說了一句﹕「ok la, 你地好忙ma…」要知道，這句是出自一個take了21個credits的人的口，是ZaZa抵諗，定係其他人太人渣?

以上的例子，只是冰山一角。
ZaZa這種小白兔，真是人見人愛。即係如果硬要將全世界女仔二分化為鍾嘉欣同陳法拉兩類呢，ZaZa必屬前者。。寶和我都覺得，如果要捉人去做複制人，一定要搵ZaZa這一類，這個世界一定更美好、更可愛。

~.~””男

~.~”” 這個符號樣, 是我朋友最愛用的msn 心情符號，男生來的，是不是很cute呢。
他叫傑。很多人喜歡在他名字前，加一個數目字。

傑是我剛入大學認識的第一批同學之一。他和我細O同組。
那時候的他，心‧型‧頭(中間分界，下巴尖尖的，我都稱之為心型頭)，還用一個側‧咩‧袋(!)。造型很爆。我直到今天仍很懷念心型頭…

那時細O那一組，有個女生Sxxxna，是百分之一百的學者型，造型可追溯至80年代初。她治學很認真，不斷問組爸組媽選科事宜。而我呢，無所事事，亦無心溝仔，所以比較少出聲。

後來，傑告訴我，我初入大學，覺得Sxxxna很‧活‧潑啊~ 反而你好‧文‧靜!
~.~”””!!!!!
佢活潑? 我文靜?!!!

後來，我和他上系會莊，一齊做康樂。查實我都唔記得敝系會有咩康樂活動，或者我們在康樂活動上有什麼建樹。不過我們一直強調我們是史上最強的康樂!!

傑有幾樣嗜好。
第一，他常借機up日文，仲要係一堆唔識日文的人面前(所以大家唔都知佢發音是否準確)。
第二，他愛詠春。他之前曾問我習武學咩好，其實我覺得佢最arm學神打。
第三，他愛看電影，還會在xanga寫影評。演員和導演名字都有hyperlink的。睇完又寫唔切影評的，會打「…待續」。好認真!!
第四，他愛稱自己的口水為燕窩。食飯講野噴口水被我們投訴時，他會話「呢d 係燕窩!!」

在我的朋友中，傑是很會為自己前途打算的人，從他積極考一堆專業試便可以一二 (連保安牌都有喎，退休果著都諗埋!!)，而他下一個決定前，一定經過審慎的考慮 (不過幾時先買相機呀?)。前一兩年他不太如意，現在他已經走出谷底，可喜可賀。加油呀~ 才俊!

倉鼠

我曾經在北京著名學府當了一年的交換生。因為我是交換生的關係，釣勝於魚，那年求學真的可以不求分數(當然要合格啦)。就在那年，我認識了好幾個好朋友，無無聊聊地，在北京過著寫意的生活。

其中一個，叫倉鼠。
我可以肯定，她對我的信任，是百分百的。

話說，在冬天的早上，我們在破舊的班房等上課。那時，無聊的我又想無聊一番。
我對倉鼠說﹕「你知道嗎，原來Hugo 是用衛生護墊的!」(按: Hugo 是一個男生, 都是香港的交換生)
倉鼠﹕「咩話????!!!!」
我(已忍不住笑)﹕「我初時都以為佢講笑。但係佢話拎d 底褲出去洗衣店洗好煩又怕唔衛生，自己又唔想手洗，於是佢咪聽佢家姐講，用衛生護墊lor。一條底底可以著兩日喎….」
倉鼠﹕「o下???!!!! 咁佢d 護墊邊度買ga?」
我﹕「佢家姐比佢ga!! 佢尋日話就快用晒，都問我拎左d!」
倉鼠﹕「哦………」

下課後，我對她說﹕「你真係信ga?」
倉鼠﹕「o下? 我以為係堅ga!!」
我(狂笑)﹕「…………」
倉鼠﹕「妖!我無諗過你晨早流流，會作埋d 咁無聊既野呃我lor!!!」

我樣子是不是很敦厚, 所以有那麼多人相信我的無聊謊言?
但係我真的沒想過，倉鼠會信男仔用護墊喎．．．好天真好傻呀

現在的倉鼠，應該沒有那麼天真那麼傻了。
倉鼠是我的好旅伴，我們一起去了很多地方, 北京啦、青島啦、絲路啦、上海啦、曼谷啦、柏林啦、捷克啦......
騎呢的是，我幾乎認識了她全家。我曾經同佢父母去過深圳，而佢係全程無出現過的。

希望作為金融界從業員的她，能在今次金融海潚中，企得穩啦。CFA加油呀。

沒有肚臍的奇女子

告訴你一個祕密, 你可別隨便說出啊? OK?
我有一個朋友叫寶, 她沒有肚臍。
她是我大學的同學, 同莊的莊員, 宿舍的同房, 我們如影隋行, 所以她的一切, 我都很清楚。
話說以前PE 堂(對, 我大學的PE是必修課, 有PE 衫的, 死未), 女同學們在更衣室, 只有她一個走到有門有簾的地方更衣, 初時以為她害羞; 大二的時候, 我和她成為同房, 朝夕相對。一天早上, 我不小心看到, 她竟然是沒‧有‧肚‧臍‧的!
於是我大叫。她按著我說, 求你不要說出去, 我天生如此, 很慘啦。

講笑咋。
<<沒有肚臍的奇女子>>這個故事, 很無聊, 但係真係有人信! O’ camp時, 我們曾經用這個故事騙freshmen, 仲唔止一個信喎!! 寶呀寶, 難道大家都以為你是怪胎?

Anyway (轉話題的好方法!), 寶是我的好朋友。大二那年, 我們一起上莊, 上學; 在宿舍605那個房間裡, 我們一起hea, 煮飯, 各自瘟仔(當然這方面是分開的), 然後很晚才開始做paper 睇readings, 一起去洗衫, 沖涼; 三點幾才開始覺累, 一起關燈, 爬上床訓覺, 在漆黑中談天, 各自入睡, 然後第二天好自然就賴床, 遲到。那時的生活, 是多麼的自由!

如果要歌頌佢呢, 我會說寶很有義氣, 是大眾的好朋友。所以呢, 如果我第時有幸嫁得出(真係要放白鴿開香檳慶祝), 她是我伴娘的人選之一(雖然我有好多個人選, 我怕嫁得太遲, 個個都結左婚, haha)。

序

早就想過, 要另開闢一個blog, 以招呼新知舊雨, 或者網上的陌生人, 總之來者不拒。Xanga 仍然會寫, 但那只屬好友們的歡樂天地。

其實分兩個地方寫字又真係幾煩o既。或者xanga 和此blog 最終會二合為一，睇下邊個死先，睇下自己堅持得幾耐o羅。舉個比喻, xanga 和此blog就好似大婆同二奶, 大婆是感情, 二奶是激情, 男人想兩者兼得, 能否享受齊人之福, 就睇下佢分唔分得清。(嗯, 呢個比喻又好似牽強左d)

那麼分別在哪呢? 這兒內容不可以太個人化, 我告訴自己。我只是想要一個空間, 一個給自己練習寫字的地方, 抒發一下無聊的想法, 看看如此無聊, 有沒有人回應。所以主題是無聊、無聊、以及無聊。

呢度, 我可能會寫下金句, 猜IQ題, 邊隻面飽好食…又或者人物介紹, 即是出賣自己朋友, 我深信我身邊的朋友不乏荀男荀女啊, 說不定我能撮合一段又一段的良緣! 哈哈!