倉鼠

我曾經在北京著名學府當了一年的交換生。因為我是交換生的關係，釣勝於魚，那年求學真的可以不求分數(當然要合格啦)。就在那年，我認識了好幾個好朋友，無無聊聊地，在北京過著寫意的生活。

其中一個，叫倉鼠。
我可以肯定，她對我的信任，是百分百的。

話說，在冬天的早上，我們在破舊的班房等上課。那時，無聊的我又想無聊一番。
我對倉鼠說﹕「你知道嗎，原來Hugo 是用衛生護墊的!」(按: Hugo 是一個男生, 都是香港的交換生)
倉鼠﹕「咩話????!!!!」
我(已忍不住笑)﹕「我初時都以為佢講笑。但係佢話拎d 底褲出去洗衣店洗好煩又怕唔衛生，自己又唔想手洗，於是佢咪聽佢家姐講，用衛生護墊lor。一條底底可以著兩日喎….」
倉鼠﹕「o下???!!!! 咁佢d 護墊邊度買ga?」
我﹕「佢家姐比佢ga!! 佢尋日話就快用晒，都問我拎左d!」
倉鼠﹕「哦………」

下課後，我對她說﹕「你真係信ga?」
倉鼠﹕「o下? 我以為係堅ga!!」
我(狂笑)﹕「…………」
倉鼠﹕「妖!我無諗過你晨早流流，會作埋d 咁無聊既野呃我lor!!!」

我樣子是不是很敦厚, 所以有那麼多人相信我的無聊謊言?
但係我真的沒想過，倉鼠會信男仔用護墊喎．．．好天真好傻呀

現在的倉鼠，應該沒有那麼天真那麼傻了。
倉鼠是我的好旅伴，我們一起去了很多地方, 北京啦、青島啦、絲路啦、上海啦、曼谷啦、柏林啦、捷克啦......
騎呢的是，我幾乎認識了她全家。我曾經同佢父母去過深圳，而佢係全程無出現過的。

希望作為金融界從業員的她，能在今次金融海潚中，企得穩啦。CFA加油呀。